السبت، 18 يوليو 2009

أ - أسد و ب - بطة




يكون لينا السبق وبعد كده نلاقي نفسنا فآخر الطابور

ده اذا كنا صافين فالطابور اصلا

هم وصلوا المريخ من سنين

واحنا من سنين مندرسش غير

أ- أسد و ب- بطة

لامتى يعني

من يومين شفت فيلم وثائقى على الجزيرة الوثائقية بيتكلم

عن تصميم الروبوتات عن طريق استلهام الافكار من الحشرات والحيوانات

يجيبوا حشرات زي الصراصير " اللهم عافينا " والدبان وام اربعة واربعين

وغيرها ويعملو تجارب ويتاملوا ازاي الحشرات دي بتستخدم قوائمها فالمشي

ويصمموا روبوتات مثالية فالمشي عالارض الخشنو او الملسة وهكذا....

ولو نفتكر فربنا امرنا بالتفكر بمخلوقاته

" إن في ذلك لآيات لقوم يعقلون "

بس للاسف عقولنا مغيبة

تعودنا نستهلك وبس

لما يجي العيل الصغير عاوز يكتشف اي حاجة حوليه

نزهق من غلبتو وشقاوتو وعاوزينو يقعد ساكت

بنقتل جواه الاستكشاف والابداع في اي حاجة

انا خريجة كلية تربية

كلية تربية يعني بنتعلم ازاي مفروض " وحطو تحت الكلمة دي مليون خط بالاحمر "

ازاي تكون المناهج المحترمة والامتحانات وطرق التدريس المنتجة والفعالة

وكلو كلام نظري طبعا وفهمكم كفاية

لدرجة اننا لما نجي نمتحن فمادة اتعلمنا فيها ازاي نحط امتحان بطريقة صحيحة

استاذ المادة يحطلنا امتحان جاي من الكوكب الرابع فالمجرة

مهو حضرتو نسي انو قدوة لينا

وفي ماده اسمها التربية المقارنة كنا بندرس فيها انظمة التعليم في

الدول المتقدمة والناجحة ونقارنها بتعليمنا

واكيد مغلوبين مليون - صفر

ويعلمونا انو اهم حاجة واساس التقدم هو نظام تعليم ناجح

طيب ليه بيعلمونا بنظام فاشل ؟؟؟؟؟؟؟؟

ومين المسئول عن الظلم ده؟؟؟؟؟

وتفتكروا الغلط فين بالظبط ؟؟؟؟؟

هناك 39 تعليقًا:

  1. يا رب اكون اول تعليق
    اهو ارد جميل من جمايلك عليا
    اللى مغرقانى

    موضوع مهم جدا سما
    وبالفعل
    الغرب تقدم لما اتبع المنهج الاسلامى فى التفكير
    واحنا بنمشى بمنهج متخلف فى التفكير

    محتاجين وقت ومجهود وعقول تعمل بضمير
    لنعود كما كنا
    ونتبع المنهج الاسلامى الصحيح
    لنسود العالم مره اخرى
    بس بأذن الله ده حيحصل
    حتى لو طال الزمن

    ردحذف
  2. هيههههههههههههههههههه
    اول تعليق
    والتانى كمان

    عندى طلب بسيط سما
    بلاش موضوع تدقيق الكلمات بعد كتابه التعليق
    المباشر اسهل واحسن

    ردحذف
  3. السلام عليكم
    رامي واصل
    اهلا بيك دايما والله منور اول وتاني تعليق
    وطبا انا مؤمنة تماما اننا عمرنا ما نتقدم
    الا اذا رجعنا للاسلام صح
    سبحان رب الاسلام
    ولازم طبعا كل واحد يبدا بنفسو وبمن حوليه
    شرفتنا مرة تانية رامي

    ردحذف
  4. السلام عليكم
    بالنسبة لتدقيق الكلمات
    شكرا لتنبيهك
    وان شاء الله قريبا راح اشيلو

    ردحذف
  5. السلام عليكم
    لاسع افندى
    اهلا وسهلا بيك في مدونتي
    واكيد كلنا مسؤولين
    وزي ما قلت طالما كلنا سؤلين
    لازم كل واحد يبتدي بنفسو اولا
    ويا رب يجي اليوم الي نرجع فيه
    زي ما كنا

    ردحذف
  6. السلام عليكم

    هو يمكن الخطأ ليس مما نتعلمة
    ولكن الخطأ فى طريقة التعلم
    فطريقة التعلم فى مصر ..يمكن تحت الصفر
    احنا ممكن بناخد اللى بياخدوة برة بالظبط
    بس المشكلة ان مفيش حد عندنا بيهتم بالمبدعين
    مفيش نظام تعليم مجترم

    وربنا يستر علينا يارب

    ردحذف
  7. هى طبعاً المشكلة الرئيسية هى طريقة تعلم المناهج للتلاميذ حيث ان التلمذ ينشىء على الاعتماد فى شىء واحد للناجح و هو الحفظ ثم الحفظ ثم الحفظ
    و تقريباً يوجد فى مناهجنا 80% حفظ ان لم يكن اكثر و 20% فهم و هذا هو ما يريده اعدائنا

    ردحذف
  8. الغلط فين فين فين
    احنا نسال المفتش كرومبو مفيش حل غير كده
    دمتى بخير
    يابنتى كل حاجه غلط
    بس يمكن بوجود حد زيك يبقى فى حاجه صح
    خالص تحياتى

    ردحذف
  9. ماشيين بسرعة النملة
    منظومة كاملة مدمرة
    هنقول ايه ولا ايه
    ربنا يستر علينا

    ردحذف
  10. على فكرة انا كمان خريجة تربية وعندى ازمة كبيييييييييرة فى تقبل انى ممكن اكون مدرسة فى يوم من الايام اللى بندرس كلام فارغ والتعليم نظام فاشل فى اغلب الدول العربية بيعتمد على الحفظ وبس ومش بيطور ابدا
    مرسيى للمرورك ياجميل على المدونة انتى من فلسطين صحيح انا قريت فى ملف التعريف دا

    ردحذف
  11. السلام عليكم
    mosooz
    اهلا بيك في مدونتي
    وانا بشوف انو الغلط في الي بنتعلمو وفي الطريقة مع بعض واكيد الطريقة غلط اكتر
    يعني مش بنواكب التطور زي الدول التانية ولا بنتعلم بطريقة صح وكل نظام وادارة التعليم غلط
    وزي ما قلت ربنا يستر علينا
    شرفتنا

    ردحذف
  12. السلام عليكم
    القطقوطة الصغيرة
    اهلا وسهلا يا حبيبتي منورة
    ودي اكبر مشكلة عندنا هي اعتماد الحفظ والتلقين
    بيلاقوها طريقة اسهل
    او بيستهتروا بعقولنا على اساس احنا مبنفهمش الا كده
    وطريقة الامتحانات كمان غلط لانها تدعم الحفظ والحفظ فقط لدرجة انهم خلونا نرتعب من حاجة اسمها امتحان شفهي مع انها ليها مميزات على شخصية التلميذ رائعة بس يا خسارة فلي علموهلنا
    ومنوراني

    ردحذف
  13. السلام عليكم
    GiGi world
    ايه يا جيجي النور ده
    وخلاص يا قمر انال ونتي وكرومبو نفتش مع بعض
    وهي الحكاية مش محتاجة بس حد زيي انا اظن لانها مهمة المجتمع كلو لازم يكون واعي من الطلاب واهاليهم وكمان فئة مهمة وهم خريجي كلية التربية

    ردحذف
  14. السلام عليكم
    جحا المصرى
    نورتني تاني
    وسدقني يا ريتهم ماشيين بسرعة النمل كنا لحقنا الدنيا هم اصلا مش ماشيين احنا بنمشي بس لورا
    للخلف در
    والمنظومة المدمرة دي عجباهم مهو لو حيطوروها عاوزين فلوس والفلوس بتاعت الشعب مسروقة
    يعني لما نستثمرها في التعليم
    هم يسرقوا ايـــــــــــــــــــه ؟؟؟؟
    يرضيك برده نقطع لقمة عيشهم
    ده قطع العناق ولا قطع الارزاق
    يا جحا يا مصري

    ردحذف
  15. السلام عليكم
    ايوشة
    اهلا اهلا دحنا زمايل بقة
    خريجات كلية تربية والشرف لينا طبعا
    معلمات المستقبل
    محنا تعلمنا بطريقة تسدقي بنلاقي نفسنا بنستعملها غصب عننا لاننا لو عاوزين نقاومها نلاقي الكل في وشنا
    من معلمين تانيين وادارة المدرسة كلو بيسد الدنيا في وشك بس الي ينوي على حاجة ربنا يوفقنا ليها
    ان شاء الله
    وانا مش بس من فلسطين انا من غزة يعني جيران قوي

    ردحذف
  16. قريت . . وملّيت كفايه
    خوف السقوط والبطاله
    وكل ما ازداد قرايه
    بالدنيا أزداد جهاله


    دنيا تجاريب تجاريب
    تاهت فيها البصارة
    العنزة تجري ورا الديب
    السبع تاكله الحمارة


    بدون أي تعليق غير اني حاسس بالقهر اللي جواكي
    مش هاقول غير كلمة واحدة زي شعبان عبد الرحيم

    بس خلاص

    شكرا لمرورك في مدونتي وأتمني دوام التواصل

    ردحذف
  17. بس ممكن اختلف معاكي في حاجة
    هما علمونا ان ا ارنب مش اسد عشان عيزينا ارانب مش اسود
    عندك حق في كل اللي قولتيه انت عارفة ان مشكلتنا وحدة اصلنا مع بعض على طول ودراسنا نفس الحاجات
    وطلعنا من غير فايدة بعد كل سنين الدراسة بتاعتنا
    لانهم بيعلمونا ازاي الواحد يكون بني ادم كويس علشان نبعد عن الحاجات اللي بتخلينا بني ادمين مش قولتلك عايزينا ارانب

    ردحذف
  18. بصى أنا مش هارد على الكلام ولا التساؤلات دى إلا بذكر موقف واحد

    من حوالى تسع أو عشر سنين كده لقيت كاريكاتير فى جرنان معارضة بيقول

    إن مصر أحتلفت بإنتاج أول أستيكة (محاية) مصرية!!!!!

    ولكى بقى أنا تتخيلى الباقى ماشى
    تحياتى

    ردحذف
  19. التعليم بنظام فاشل علشان المسئول عايز كده

    والمسئول ............

    والغلط عند المسئول اللى فاهم غلط وفاكر انه بيعمل لصالح نفسه ولصالح ولاده وهو أول ما بيضر بيضر نفسه قبل أى حد

    كلام جميل ربنا يجعله فى ميزان حسناتك

    أول زيارة وإن شاء الله لن تكون الأخيرة

    ردحذف
  20. سمسم
    متشكره اوي لزيارتك ليا
    كلامك موضوع مهم
    والاصح انك خريجه تربيه
    بس تقولي ايه بقى
    الدكاتره والمدرسين اتبرمجوا خلاص
    مابيدوش لنفسهم فرصه اصلا للتغيير
    تصفحت مدونتك بسرعه كمحاوله لاكتشافك
    ليا مرور دائم اسمحيلي

    منار فايد

    ردحذف
  21. السلام عليكم
    احمد الصعيدي
    اهلا بيك في مدونتي
    وطالما احنا عرب عايشين هنا اكيد حنحس بذات القهر الي مالينا
    وشكرا عالاشعار الجميلة
    اتمنى دوام التواصل

    ردحذف
  22. السلام عليكم
    الأميرة ميرا
    منوراني يا جميل
    وطبعا انا وانتي نفس القسم ونفس الكلية عشنا الاربع سنين مع بعض
    وحتى لو علمونا ا-ارنب فلازم احنا نعلم اولادنا
    ا- اسد ونطور بقة
    الفكر ده عاوز وعي جامد من الاهالي لازم نكمل النقص الي بالمدارس
    وابقى نوريني دايما يا قمر

    ردحذف
  23. السلام عليكم
    Me7'o
    منور المدونة وبالنسبة لاحتفال مصر محدش عزمني.....
    اه الواحد يقول ايه ولا ايه
    مهم مش عاوزينا نطور ده طبعا ضدهم لازم يحاربونا

    ردحذف
  24. السلام عليكم
    بــــ الخطاب ــن
    انشاء الله متكنش الزيارة الاخيرة
    والمسئول اكيد فاهم غلط بس هو مقتنع بلي بيعملو هو بيعرف انو بيعمل حاجة غلط وبيقول يلى نفسي وميقدرش يستغنى عن المال والشهرة وبيقول مهو لو انا رحت يجيبوا مليون غيري فانا اولى واهي خربانة خربانة وحضرتو يزيدها
    ولا مجال للتغيير
    والرقاب متخبط عليها
    والمسئول الاول والاخير هو الغرب الي حابب شكلنا كده وراضي

    ردحذف
  25. السلام عليكم
    شباك موارب
    ايه النور ده يا منار
    شرفتينا هنا ويا رب تكون عجبتك اللفة الي اختيها فالمدونة
    وانا عارفة انو مدرسينا درسو بنفس الطريقة العقيمة دي بس عليهم دلوقتي الواجب طالما مقتنعين بانها غلط يستخدموها تاني ليه
    اعرف انهم يمكن مجبورين بس لازم نحاول
    مين حيحاول ويصلح يعني ان مكناش احنا

    ردحذف
  26. يمكن يكون عندك حق بس الغرب عمره ما هايرضى ان احنا نكون غير كده ( مصلحته فى كده )

    ردحذف
  27. السلام عليكم
    بــــ الخطاب ــن
    اهلا بيك تاني
    وكلامك طبعا صح مليون بالمية
    هم عارفين انو سر قوتهم هو ضعفنا احنا
    تعرف اليهود حيخافوا مننا امتى لما يكون عدد المصلين فالفجر زي عددهم يوم الجمعة
    " ولن ترضى عنك اليهود ولا النصارى حتى تتبع ملتهم "

    ردحذف
  28. بصراحه الصوره تفطس من الضحك


    ههههههههههههه


    هو اول حاجه محتاجه تتغير فى البلد دى هى نظام التعليم


    تحياتى

    تيمون وبومبا ناوين يعملوا نظام تعليمى جديد والمدرسه هيبقى اسمها هاكونا مطاطا ومكانها فى ارض العزه

    ردحذف
  29. السلام عليكم


    تحياتى لمرورك على مدونتا هاكونا مطاطا

    ايناس

    ردحذف
  30. السلام عليكم
    ريمان ونوسه فى هاكونا مطاطا
    عاشقة الأحزان
    اهلا بيكم هنا في مدونتي
    واذا كان نظام التعليم هاكونا مطاطا انشاء الله قريب
    مش بس حنوصل المريخ
    حنطلع من المجرة كلها
    " ضايعين طبعا "
    ههههههههه
    شرفتونا اوي

    ردحذف
  31. س : طيب ليه بيعلمونا بنظام فاشل ؟؟؟؟؟؟؟؟

    ج : لو عرفو انه فاشل اعتقد مش هيعملو به لكن للاسف هما بيعتبروه ناجح جدا

    ومين المسئول عن الظلم ده؟؟؟؟؟

    ج : احنا المسئولين قبلهم

    وتفتكروا الغلط فين بالظبط ؟؟؟؟؟

    ج : الغلط فينا احنا
    عباس العقاد مكنتش متعلم ولكنه من افضل المثقفين
    وناس كتير زيه بارعيين ومفكرين

    الفكر مش محتاج نظام معين الكل يمشي عليه لكن كل انسان منا له فكره وله عقله

    شكرا لطرحك الموضوع
    لك تحياتى

    ردحذف
  32. اول تعليق بعد الواحد والتلاتين
    السبق الاول
    انا التعليق التلاته وتلاتين
    ياهووووووووووووووووو

    موضوع بيلعب فى لب المشكله
    عقولنا مغيبه
    لالالالا
    يا سمسم
    عقولنا مش مغيبه
    عارفه كام براءه اختراع كل سنه
    كتييييييييييييييييييييييييييييير
    ومفيش حد بيفكر يشوف الناس دى اخترعت ايه
    يقولك هو نيوتن يعنى
    طيب يعنى هو نيوتن لو كان فى مصر
    والمصحف ما كان اكتشف نظريه المحشيه حتى
    مش النسبيه
    مصر مش مهتمه بالتطور
    مصر مهتمه ببطنها بس


    طيب ليه بيعلمونا بنظام فاشل ؟؟؟؟؟؟؟؟

    عشان التعليم بنظام احسن محتاج تكاليف
    ومحتاج ناس محترمه وبتحب بلدها
    وعايزه ترفع شأنها
    وده مش موجود

    ومين المسئول عن الظلم ده؟؟؟؟؟

    ههههههههههههههههههههههههه
    بابا قالى
    اوعى تتكلم فى السياسه
    بس هو اسمه بيتقال كتير فى الاعياد

    وتفتكروا الغلط فين بالظبط ؟؟؟؟؟

    فى نظام اداره الدوله بالكامل
    من اول الرورو بتاع الدوله
    لحد المدرس
    بس
    اول زياره
    والمدونه جميله جدا

    ردحذف
  33. السلام عليكم
    ذو الوجه المبتسم
    اهلا بيك منورني
    بس انا اختلف معاك في انهم بيعتبروه ناجح
    انا متاكده انهم عارفين انو فاشل
    وعارفين كمان انو النظام الناجح عاوز دعم مالي هائل
    وده حياثر على سرقاتهم كتير
    فهم بيطنشوا وكمان الغرب راضي كده جدا
    وانا اتفق معاك باننا متشاركين بالغلط ده ولازم احنا نفهم كويس مفروض نعمل ايه
    بصراحة محتاج الموضوع انقلاب
    ايه رايك؟

    ردحذف
  34. السلام عليكم
    THE illusionist
    اسمع يبني انا حعمل خصمل32 تعليق
    كده انت تطلع الول
    ايه رايك؟ههههههههه
    مهم الي انت مبتحبش تتكلم عنهم
    عملوا نظام تعليم فاشل علشان يخرج طلبة فاشلين
    بعد
    كده يبقى همهم ازاي يطعموا العيال وبس
    وازاي يصفوا في طوابير العيش
    على العموم ابوك فاهم الدنيا صح
    سلملي عليه
    لانو الي يتكلم فالسياسة رقبتو تتقصف
    نورتني

    ردحذف
  35. السلام عليكم

    عليكم بالتعليم ثم التعليم ثم التعليم
    إذا أردنا أن نتقدم
    وأظن ان التخريف الحاصل فى نظامنا التعليمى مقصود
    حتى يخرج لنا معلم مبيعلمش
    ومهندس مبيهندسش
    ودكتور مبيدكترش
    يعنى اللى قاصد كده يبقى عميل لأعدائنا أو يبقى طابور خامس ومدسوس أويبقى عاوز الشعب يفضل مبيفهمش
    وتقبلى تحيتى ومرورى

    ردحذف
  36. امال احنا ليه اسامينا دول متخلفة

    ودول عالم ثالث

    لان تعليمنا والامتحانات بتاعتنا من الكوكب الثالث :D

    شرفتيني بزيارتك للمدونة :)

    ردحذف
  37. السلام عليكم
    واحد من العمال
    اهلا وسهلا بيك مشرفنا هناوكلامك كلو صح والله
    مش محتاج تعليق عليه
    نظريه تمام التمام
    وده هو الواقع

    ردحذف
  38. السلام عليكم
    فلسطينية الهوى
    انتي الي منوراني يا حبيبتي
    وزي مقلتي دول عالم تالت
    المهم نكون اخر الطابور
    وانشاء الله تزورينا دايما

    ردحذف