الأحد، 26 يوليو، 2009

ليه يا مصر ؟




عندنا شباب بتموت لا من القصف ولا من اليهود

بس بتموت مدفونة تحت الرمل عالحدود

تعرفو من ايه؟

من المعابر بتاعتنا

معابرنا الي تحت الارض

الانفاق
السبب انو المعابر الي فوق الارض مسدودة بامر من الكلاب والديابة
واضطرينا نحفر تحت الارض
ونغامر بحياة شبابنا محنا ناقصين يعني
والله انا فاكرة كويس قبل الانفاق متتعمل وكان لسى الحصار والاغلاق
كنا ننزل السوق متلاقيش حاجة
يإما بضاعة كده زبالة من ميت سنة
وبعد الانفاق البضاعة مالية السوق والحمد لله
بس الاسعار مقلكوش!!!!!!
ناااااااااااااااااااار
مهو ادفع فيها كتير علشان تدخل بالطريقة دي

المهم فالاخر احنا الي بندفع التمن
يا من فلوسنا
يا من حياة ولادنا
مهي لقمة العيش والظلم بقه
طيب ليه الذل ده؟
ميتفتح المعبر وخلاص

ولا نسمع انو البضايع المتكدسة فالعريش بتتحرق
اصلها ما عادت تصلح للاستخدام
طيب رجعوها لاصحابها بتحرقوها ليه؟
ولا وزعوها عالغلابة فمصر
والله نتبسط اوي
اما يحرقوها ليه
الله يحرقهم زي مبيحرقوا في دمنا
ليه يا مصر متفتحهوش بقى ؟
مش كفايانا موت من اليهود
هو انتي كمان علينا
ليه يا مصر؟
ليه يا مصر؟

ليه يا مصر؟

السبت، 18 يوليو، 2009

أ - أسد و ب - بطة




يكون لينا السبق وبعد كده نلاقي نفسنا فآخر الطابور

ده اذا كنا صافين فالطابور اصلا

هم وصلوا المريخ من سنين

واحنا من سنين مندرسش غير

أ- أسد و ب- بطة

لامتى يعني

من يومين شفت فيلم وثائقى على الجزيرة الوثائقية بيتكلم

عن تصميم الروبوتات عن طريق استلهام الافكار من الحشرات والحيوانات

يجيبوا حشرات زي الصراصير " اللهم عافينا " والدبان وام اربعة واربعين

وغيرها ويعملو تجارب ويتاملوا ازاي الحشرات دي بتستخدم قوائمها فالمشي

ويصمموا روبوتات مثالية فالمشي عالارض الخشنو او الملسة وهكذا....

ولو نفتكر فربنا امرنا بالتفكر بمخلوقاته

" إن في ذلك لآيات لقوم يعقلون "

بس للاسف عقولنا مغيبة

تعودنا نستهلك وبس

لما يجي العيل الصغير عاوز يكتشف اي حاجة حوليه

نزهق من غلبتو وشقاوتو وعاوزينو يقعد ساكت

بنقتل جواه الاستكشاف والابداع في اي حاجة

انا خريجة كلية تربية

كلية تربية يعني بنتعلم ازاي مفروض " وحطو تحت الكلمة دي مليون خط بالاحمر "

ازاي تكون المناهج المحترمة والامتحانات وطرق التدريس المنتجة والفعالة

وكلو كلام نظري طبعا وفهمكم كفاية

لدرجة اننا لما نجي نمتحن فمادة اتعلمنا فيها ازاي نحط امتحان بطريقة صحيحة

استاذ المادة يحطلنا امتحان جاي من الكوكب الرابع فالمجرة

مهو حضرتو نسي انو قدوة لينا

وفي ماده اسمها التربية المقارنة كنا بندرس فيها انظمة التعليم في

الدول المتقدمة والناجحة ونقارنها بتعليمنا

واكيد مغلوبين مليون - صفر

ويعلمونا انو اهم حاجة واساس التقدم هو نظام تعليم ناجح

طيب ليه بيعلمونا بنظام فاشل ؟؟؟؟؟؟؟؟

ومين المسئول عن الظلم ده؟؟؟؟؟

وتفتكروا الغلط فين بالظبط ؟؟؟؟؟

الثلاثاء، 7 يوليو، 2009

قبل الموت بثواني



فجأة تسمع صوت الزحف يقرب
صوت الجنازير ماشية على الارض تسقطها
نتلم حولين بعض
مهو محدش يحب يموت لوحدو
تلاقي الدنيا صارت ضباب
وريحة البارود تخنق ماليه الدنيا
ومن غير استئذان..........
تلاقي الارض تتهز من تحتك
والسقف عاوز يقع عليك
والشبابيك والبيبان تصفر
والقزاز يطاير جوة وبرة
حسب الضرب هو فين
وتلاقي السما تهدر بصوت فظيع
وغربان السما رايحة جاية
تستعرض قوتها او قذارتها فوق روسنا
واصعب لحظة ساعة الانتظار
تسمع صوت الصاروخ وهو نازل
ثواني ويقع عالارض
ثواني تحسها سنيـــــــــــــــــــــــــــــن
السبابة تترفع لوحدها
تتشاهد على روحك ميت مرة
تستغفر وتطلب الرضا
تفتكر كل حياتك
وقرب مماتك
الصلاة الي صلتها
والي سبتها
تحس ان الصاروخ نازل
زي السهم على قلبك انت لوحدك
يفرتكك وينثر دمك
تبقى عارف انو نازل اكيد نازل
بس محتار نازل فين
نازل يقطع مين
انت ولا جارك
ولادك ولا ولاد غيرك
......................
اول متتهز الدنيا تاني من حوليك
ساعتها بس تعرف انك لسى عايش
وانو نزل على حد تاني
وقطع غيرك
............
ومفيش وقت تفوق
نرجع من تاني
متعرفش الضرب جاي منين
ولا مين الي بيصرخ اسعاف
ولا مين الي بيقول حموت
ولا الدم ده لمين
ولا الحم ده لحم مين
مسرحية وعمرها متخلص
بس ارضنا ودما ولحمنا
عمرو ميكون رخيص
حتى لو رخصتو الدنيا كلها

الأحد، 5 يوليو، 2009

وجه الشبه بين البطاطس ومخبر أمن الدولة

..... تعرفوا ايه وجه الشبه بين البطاطس ومخبر أمن الدوله ؟
يمكن الستات عرفت بس...الرجالة يمكن لأ
لازم تتعلموا الطبيخ اولاً
خلاص أعلمكم " ولما تطبخوا ابقوا ادعولي "
دلوقتي لما نيجي نطبخ أي حاجة
مثلاً .. طبيخ فاصوليا
وجينا نحط الملح واتزحلقت حبتين ملح زياده وطلع الاكل كلو مالح
اكيد مشكلة ....
وطبعا خوفا من ردود الفعل الدوليه نروح جايبين بطاطسايه
ومقطعينها وحاطينها في الطبيخ
البطاطس تروح ساحبه الملح الزياده
. والمخبرين كمان نروح ناشرينهم
يسحبوا كل حاجه زياده متعجبش صاحب الطبيخ
كل حاجة تخرب شكل البلد
كل حاجه ملهاش لزوم
ويمكن تتسحب روحو معاه
مهي طبختو وهو حر فيها
علشان شكل البلد يعني
فنحمد ربنا عالبطاطس
والمخبرين