الثلاثاء، 30 يونيو، 2009

مطلعة عيني بس بحبها

مفيش فيها حاجة حلوة
قرفاني في عيشتي ومنغصة علىّ حياتي
مرارتي حطق منها واجيب مرارة تاني منين
......................بس بحبها
ألف عيني فيها أدور على حاجة تعجبني ملقيش
رفعالي شعار ممنوع لاجل المنع
ممنوع تاكل ممنوع تشرب ممنوع تشتغل ممنوع تتفسح
ممنوع تفكر ممنوع تحلم ممنوع تكبر وكلو ممنوع
...................بس بحبها
عوزاني حي ميت " اصلها بتحب الوسطية "
نفسي ابعد واشوف غيرها
قلبي ميطاوعنيش
معرفش ايه الي يشدني ناحيتها
شكلها ساحرالي وانا معرفش
ده غير انها ربطاني من زمارة رقبتي
...............بس بحبها
أعمل ايه شوية احبها وشوية اكرهها
بس حتى عليها محسود
ومسبونيش ولاد الحلال في حالي
خدها غيري مني
بس هي لسى قدامي
سبها علشان يغيظني
لا هي لي ولا مش لي
.................بس بحبها
أهو آخر عرق في مخي حيطق
مهي غزة زي عوايدها
....مطلعة عيني بس بحبها