الأحد، 5 يوليو، 2009

وجه الشبه بين البطاطس ومخبر أمن الدولة

..... تعرفوا ايه وجه الشبه بين البطاطس ومخبر أمن الدوله ؟
يمكن الستات عرفت بس...الرجالة يمكن لأ
لازم تتعلموا الطبيخ اولاً
خلاص أعلمكم " ولما تطبخوا ابقوا ادعولي "
دلوقتي لما نيجي نطبخ أي حاجة
مثلاً .. طبيخ فاصوليا
وجينا نحط الملح واتزحلقت حبتين ملح زياده وطلع الاكل كلو مالح
اكيد مشكلة ....
وطبعا خوفا من ردود الفعل الدوليه نروح جايبين بطاطسايه
ومقطعينها وحاطينها في الطبيخ
البطاطس تروح ساحبه الملح الزياده
. والمخبرين كمان نروح ناشرينهم
يسحبوا كل حاجه زياده متعجبش صاحب الطبيخ
كل حاجة تخرب شكل البلد
كل حاجه ملهاش لزوم
ويمكن تتسحب روحو معاه
مهي طبختو وهو حر فيها
علشان شكل البلد يعني
فنحمد ربنا عالبطاطس
والمخبرين

هناك 8 تعليقات:

  1. ههههههههههههه
    الحمد لله

    ردحذف
  2. السلام عليكم
    اهلا وسهلا بيك جحا
    نورت حضرتك
    والحمد لله طبعا على كل حال

    ردحذف
  3. وانا اللى كنت فاكر ان الانسان اصله بططسايه

    طلع الانسان المخبر بس

    يلا الحمد لله

    ردحذف
  4. صدقى فعلا نعمه ومش حسين بيها
    ههههههههه
    احمد لله فعلا
    بس مش على المخبرين
    لأ
    على وجود البطاطس فى حياتنا علشان تظبط لنا الاكل
    (:

    ردحذف
  5. رامي
    الحمد لله يكون الاصل بططسايه احسن
    مش يتقال قرد ههههههه
    بس المخبر كده كده الله اعلم
    اصلو ايه
    ربنا يبارك في حضرتك ونورت

    ردحذف
  6. عاشقة الرومانسية
    نورتي يا حبيبتي
    على فكرة في حكايه كانت ماما بتحكيهالي
    لما اسالها انت بتحبيني قد ايه
    تقلي قد الملح
    اقلها ..بس
    فتروح حكيالي الحكاية
    ابقى ان شاء الله بعدين اقلهالك
    شرفتينا

    ردحذف
  7. طبعا لازم نحمد ربنا على البطاطس امال ايه يعنى
    نعمه ربنا و اللى ينكر النعمه تغور من وشه
    ياااااااااارب تغور من وشنا
    مش البطاطس طبعا

    ردحذف
  8. صيدلانيه طالعة نازلة
    اهلا وسهلا بيكي
    طبعا الحمد لله عالبطاطس
    نعم ربنا
    وان شالله الي يغور قلالات الاصل
    شرفتينا

    ردحذف